موال النهار(كاملا)...شعر/ عبد الرحمن الأبنودى

إهداء الى السيده الكريمه/ نور الصباح...
ولكم أيضا أصدقائى..
.............................


عدّى النهار .. و المغربية جايّة


تتخفّى ورا ضهر الشجر


و عشان نتوه في السكة


شالِت من ليالينا القمر



و بلدنا ع الترعة بتغسل شعرها


جانا نهار مقدرش يدفع مهرها


يا هل ترى الليل الحزين


أبو النجوم الدبلانين


أبو الغناوي المجروحين


يقدر ينسّيها الصباح


أبو شمس بترش الحنين؟


أبداً .. بلدنا ليل نهار


بتحب موّال النهار


لما يعدّي في الدروب


و يغنّي قدّام كل دار



و الليل يلف ورا السواقي


زي ما يلف الزمان .. و على النغم


تحلم بلدنا بالسنابل و الكيزان


تحلم ببكرة .. و اللي حيجيبه معاه


تنده عليه في الضلمة و بتسمع نداه


تصحى له من قبل الأدان


تروح تقابله في الغيطان


في المصانع .. و المعامل .. و المدارس .. و الساحات


طالعة له صحبة .. جنود


طالعة له رجال .. أطفال .. بنات


كل الدروب واخدة بلدنا للنهار


و احنا بلدنا ليل نهار


بتحب موال النهار


لما يعدي في الدروب


و يغني قدّام كل دار
........................................
وبعد..فقد وفيت سيدتى بوعدى(الحمد لله)...

انت دائما صادق بوعدك اخ احمد بوركت وسلمت اخي

ياااااااااا ه احمد كل ده كنت مخبيه فين ياعم دنت كلامك زي العسل والله

تقبل مروري ياغالي تحياتىىىىىىىى

الطائى.. لا أوحشنى الله منك ولا من مرورك ياصديقى..تحياتى.

أبو حسين.. بالتأ كيد وجود مدام نور معانا حيفجر فينا طاقاتنا الكامنه..
تحياتى صديقى.

طيب وانا رحت فين...هههههههههههههه دائما صاحب بصمه رائعه سلسبيل....لا حرمنا الله من وجدك يا غالي.